Jy stap verby my tafel
en die hele kamer word stil
Jou glimlag laat my wonder
of jy ook nader wil
Ek maak van jou ’n storie
ek droom jou aan my sy
Maar jy ken my nie eens nie
jy stap net stil verby
Ek kyk te lank
jy kyk verby
My hart klop vinnig
hier binne my
Ek maak jou groter
groter as die see
Ek maak jou groter
en ek dra jou oral mee
Maar jy is naby
net hier by my
Ek maak jou groter
omdat ek jou so wil hou
Jou hand op die koppie
jou lag oor die glas se rand
Ek lees betekenis in alles
selfs in die lig op jou hand
Ek weet ek verf jou mooier
as wat die werklikheid kan wees
Maar daar’s iets in jou stilte
wat my laat vergeet van vrees
Ek val so maklik
vir elke spoor
Jou skadu word
my mooiste koor
Ek maak jou groter
groter as die see
Ek maak jou groter
en ek dra jou oral mee
Maar jy is naby
net hier by my
Ek maak jou groter
omdat ek jou so wil hou
As ek jou sonder drome sien
is jy nog steeds genoeg
Ek hou jou teen die koue vas
tot die son kom môre vroeg
Ek weet ek kan jou verloor
aan die waarheid van die lig
maar laat my jou eers hou
in hierdie sagte lied
Ek maak jou groter
groter as die see
Ek maak jou groter
en ek dra jou oral mee
Maar jy is naby
net hier by my
Ek maak jou groter
omdat ek jou so wil hou
From the album
Doringhout